Lasai psikologo eta psikoterapeuta ekipo batek osatzen dugu, osasunarekin, ongizatearekin eta besteei laguntzeko erlazioan konpromezua hartua dugunak.

Joana Aguado Telleria

Psikologian lizentziatua 2005. urtean, Gestalt Psikoterapian prestatu nintzen Bidean Psikoterapia Humanista Zentroan eta harrezkero bertako formakuntzan kolaboratzen dut irakasle lan taldean. Gestalt Terapiak eta ikuspegi Humanistak eman didaten oinarri sendoak etengabeko ikaskuntzan bizi dugun lanbide hau jarduteko eta nere lan egiteko modua osatzen duten beste diziplina eta teoriak integratu ahal izateko aukera eman didate.

Psikoterapeuta lanetan nabilen hamar urte luze hauetan zehar lortu dudan esperientziari esker pertsonak batez ere entzunak izatea, sostengua eta akonpainamendua sentitzea behar dutela ikusi dut. Horregatik Psikologa bezala egiten dudan lana laguntza-erlazioan oinarritzen da, pertsonaren errealitatearen ulermenean, bere askatasunaren errespetuan, laguntza enpatikoan, onarpenean, babesean eta segurtasunean zentratzen delarik. Erlazio honen bitartez pertsonak zoriontsu izaten uzten ez dion hori benetan zer den ohartu eta kontzientzia hartzeko aukera izaten du, gero zoriontasuna lortzeko beharrezkoak diren pausoak eman ahal izateko.

Iñigo Ansorena

Azkenengo 15 urteetan psikoterapeuta bezela nabil lanean; despatxutik pasatzen diren gazteak, helduak, bikoteak eta arazo desberdinak dituzten pertsonak, beraien barrenak eta sakontasuna modu ausartean ulertu eta berreskuratzeko bidean jarri dira. Psikoterapia ikuspegi Humanista batetik lantzeak, korronte diferenteetako ekarpenak modu integral batean erabiltzeko aukera ematen dit; terapeuta izatea barne prozesu bat ere bada eta oso eskerturik nago ogibide honek ematen diten aukeragatik.

Zer da, baina, osatzen gaituena? Egiten, sentitzen, pentsatzen dugunaren gainean, kontzientzia adeitsu bat izateak. Horretarako, psikoterapiaz gain, azken urteetan Mindfulness izenarekin ezagutzera eman den Sakon-Ikuste Meditazioa (Vipassana) ere erabiltzen dut. Meditazioa aspalditik praktikatzen dut eta nere egunerokotasunean barneratua dagoen jardute aberats bat da; Mindfulnessak, honek dakakarzkin onurak, modu egituratu eta zientifikoki frogatu diren tekniketan oinarriturik, partekatzeko aukera ematen dit.

Euskal Herria Plaza, 12, 1D, Tolosa
Tel. 687 946 554 info@lasaipsikoterapia.com

Colegiada GZ01895 y Colegiado GZ01580
Centro Sanitario de Psicologia
Miembros de Zimentarri, Asociación Vasca de Terapia Gestalt.
modelo-logo-positivo-ajustado-03-Encabezados-A4